بسم الله الرحمن الرحيم
انا النهاردة جايب حكاوى الطلبة نحاول نستفيد منها
حبيت بس اديكو ملخص لسنين الكليه كدا
سنه اولى وعنوانها " نشوه وفرح " _هما مين انا معرفش !!!!!!_ا
ول السنه وبالتحديد اول شهر:
ياااااااااه اخيرا الحمد لله دخلت كلة طب ياسلاااام ما احلى ان الواحد نجاحو يكلل بالهدف اللي هوا عاوزه ""ياعيني ميعرفش اللي فيها ""
اخيرا هبقى دكتور"مفكر ان الليله كلها 3 ايام ونص وينام ويصحى ويلاقي نفسو في عياده اربع ادوار"
والحياه هتحلوا والليله هتبقى فل والدنيا ابتسمتلي اخيرا "غلباااااان ميعرفش انها ابتدت تكشر يلا سيبوه يعيش"
ويمشي في الكليه ويعمل فيها دور الدكتور وماشي منفوخ ويسلااااااااام البالطو على ايدو "دكتور بقى" فاضل شوية ويعلق على صدروا بادج الهلال ويكتب تخته دكتور فلان الفلاني"
وادام بقى دخلت طب يبقى خلاص كدا العب وفرفش واتسرمح منت خلاص كدا كدا دكتور ويقضيها بقى خروجات والذي منو
ويعدي الشهر بسلام بلا منغصات
-تاني شهر " الاحساس بالمصيبه _قصدي المسئولية_"
خلاص بقى خرجنا وانبسطنا وفل الفل كدا نحضر بقى المحاضرات ونشوف ورانا يه والناس دي بتشتغل ازاي عشان الواحد يحس انو طالب
يبتدي الغلبان يطلع عالمدرج "مدرج الحشر 11 و 12 " الغلبان يصحى الساعه 5 الصبح عشان يلحق مكان قدام المدرج الساعه 7 اول ميجي يلاقي الناس تقولشي بايتين في المكان بقالهم اسبوع يعني تصحى بدري هتتزنق متاخر هتتزنق لا مفر
يلا اهو الواحد يعمل اللي عليه ويحضر .
والباشا يدخل في المعمعه يدخل بالقميص او التيشرت ساده
يطلع بيه عليه اشكال والوان اشي شبشب بكعب واشي كوتشي اديدس واشي بوما واشي رجلين حافيه بيتتفح على القميص توكيل باتا
ماعلينا بعد الحرب متنتهي وكل واحد يشوف هيترزع فين ده اذا كان فيه مكان يترزع فيه او يقف زي اللي عليه دين يبتدي يسمع للدكتور
يستمر عالموضوع ده حوالي شهرين
هب يلاقي نفسو خلاص امتحانات الترم خلاص بتخبط عالابواب وطبعا البيه زي البطيخه القرعاا مش فاهم اي بتنجان ومش عارف هيذاكر ايه وينيل ايه
ماعلينا يدخل الامتحان وياخد اللي فيه النصيب
يدخل عليه الترم التاني
-الترم التاني " فقدان امل + بؤس وشقاء = زي متيجي تيجي انا هقطع نفسي "
مانيفستاشن ترم تاني سنه اولى
1- قرفه من الكليه واللي فيها
2 - حاله هيجان وارتيكاريا في حاله ان حد يجيبلو سيرة المذاكره
3 - فقدان شهية مزمن للمذاكره
4- تخيلات غريبه ان الكتاب عباره عن كلب مسعور لو قربت منو "ههوهو"
5-يلزق على كرسي الكومبيوتر " زي حالاتي "
6-ترديد جملة " انا عايز اعرف كنت بذاكر ازاي في الثانوية العامه" واكيد طبعا مش بيلاقي اجابه
يدخل الترم الاول وهوا ضارب الليله ...... قديمه
برضو يدخل ياخد اللي فيه النصيب
وتيجي النتيجه
" نو كوممنت"
طبعا الحاجات دي كلها مش بتحصل مع كل الناس ومش عايز الناس تياس
بالعكس الحياه حلوه وزي الفل
to be continued
الأربعاء سبتمبر 24, 2008 9:58 pm
